મરણ જનાર અરૂણસિંહ રાજેન્દ્રસિંહ પરમાર ભુજના ગણેશનગરમાં રહેતો હતો અને મૂળ સુરેન્દ્રનગરના મૂળીનો વતની હતો. દુર્ઘટનામાં એક્ટિવા પર સવાર રાજેશ નટવરલાલ સુથાર અને અજયસિંહ ઊર્ફે ખેંગારસિંહ જાડેજા નામના બે યુવકોને પણ ઈજાઓ પહોંચી હતી. બેઉ હાલ હોસ્પિટલમાં સારવાર હેઠળ છે. બનાવ અંગે ભુજ એ ડિવિઝન પોલીસે તપાસ હાથ ધરી છે.

 ગત ૮મી જૂલાઈના રોજ ભુજ નલિયા હાઈવે પર દેશલપર ચેકપોસ્ટ પાસે ઈનોવા કારની ટક્કરે ગંભીર રીતે ઘવાયેલાં અશ્વિન ખમીશા ઊર્ફે બાબુ કોલી (રહે. ડાકડાઈ, ભુજ)નું હોસ્પિટલમાં સારવાર દરમિયાન આજે મૃત્યુ નીપજ્યું છે. અશ્વિન તેના પિતરાઈ ભાઈ રોહિત કોલી સાથે મોટર સાયકલ પર નખત્રાણાના વડવા (કાયા)થી પોતાના ગામ તરફ પરત ફરી રહ્યો હતો ત્યારે રાત્રે સવા નવ વાગ્યે સામેથી પૂરઝડપે આવી રહેલી ટોયોટા ઈનોવા કારે (નંબર GJ-27 BS-5551) ટક્કર મારતાં ગંભીર રીતે ઘવાયો હતો. ઘટના અંગે માનકૂવા પોલીસે કારચાલક સામે ગુનો નોંધી તપાસ હાથ ધરી છે. મૃતક અશ્વિનનો મોટો ભાઈ ભચુ છ માસ અગાઉ મૃત્યુ પામ્યો હતો. તેના મૃત્યુના લીધે ત્રણ માસૂમ સંતાનોએ પિતાની છાયા ગુમાવી દીધી