વર્ષોથી પરિવાર સાથે મહારાષ્ટ્રમાં રહેતી મૂળ માંડવીના એક ગામની અનુસૂચિત જાતિની પીડિતા સગીર વયની હતી ત્યારે ફોનમાં ફ્રી ફાયર મેક્સ નામની ગેમ રમતી હતી ત્યારે જીગર નામની આઈડી ધરાવતા પ્લેયરના સંપર્કમાં આવેલી. જીગર નામની આઈડી હકીકતમાં મહારાષ્ટ્રના પુણેના જીયાદ ઊર્ફે સમીર લતીફ શેખ (ઉ.વ. ૨૨)એ બનાવી હતી.

ત્યારબાદ આ અશ્લીલ ફોટો વાયરલ કરવાની ધમકી આપીને પીડિતાને હેરાન કરવાનું શરૂ કરેલું. જીયાદે ફોટોના આધારે બદનામ કરવાની ધમકી આપી પીડિતા સાથે ફરી વખત દુષ્કર્મ આચરી, તેને મુસ્લિમ ધર્મ અંગીકાર કરી પોતાની સાથે નિકાહ કરવાનું દબાણ કરેલું.

જીયાદના ત્રાસથી કંટાળીને પીડિતાને લઈ પરિવાર બે વર્ષથી વતન કચ્છ રહેવા આવી ગયેલો. પીડિતાની એક યુવક સાથે સગાઈ કરેલી. બીજી તરફ, જીયાદે ફેક આઈડી બનાવીને પીડિતાના અશ્લીલ ફોટોગ્રાફ  વાયરલ કરેલાં. જેના લીધે તેની સગાઈ તૂટી ગયેલી. એટલું જ નહીં, સહઆરોપી કાસમ ઓસમાણ હિંગોરજા અને અલ્તાફ જુમા લાખા (બંને રહે. ગોધરા, માંડવી)ની મદદથી ગોધરા આવીને પીડિતાના ઘર અને પરિવારના સભ્યોની રેકી કરી તેમના વિશે માહિતી મેળવવાનું શરૂ કરેલું.

પીઆઈ એલ.પી. બોડાણાએ જીયાદ સહિત ત્રણે વિરુધ્ધ લવ જેહાદના નામથી વધુ ઓળખાતાં ગુજરાત ધર્મ સ્વાતંત્ર્ય સુધારા અધિનિયમ ૨૦૨૧ એક્ટ, પોક્સો એક્ટ, એટ્રોસિટી એક્ટ, આઈટી એક્ટ તથા ઈપીકો કલમ ૩૭૬ (૨) (એન), ૫૦૬ હેઠળ ગુનો દાખલ કરીને મહારાષ્ટ્રમાં રહેલી એક ટીમને સૂચના આપીને તત્કાળ જીયાદની ધરપકડ કરી લીધી હતી.

આ કેસમાં આજે વિશેષ જજ જે.એ. ઠક્કરે જીયાદને પોક્સો એક્ટની કલમ ૬ અંતર્ગત અંતિમ શ્વાસ સુધીની સખ્ત આજીવન કેદની સજા સાથે એક લાખ રૂપિયાનો દંડ ફટકાર્યો છે. ગુજરાત ધર્મ સ્વાતંત્ર્ય સુધારા અધિનિયમ ૨૦૨૧ની કલમ ૪ હેઠળ ૩ વર્ષની સખ્ત કેદ સાથે ૫૦ હજાર દંડ અને IT Actની કલમ ૬૬ અને ૬૭ હેઠળ ૩ વર્ષની સખ્ત કેદ સાથે ૫૦ હજાર રૂપિયા દંડ ફટકાર્યો છે.

આ કેસમાં પ્રોસિક્યુશન તરફે મુખ્ય જિલ્લા સરકારી વકીલ એચ.બી. જાડેજાએ હાજર રહીને સાક્ષીઓ તપાસી દલીલો કરી હતી.

કચ્છમાં લવ જેહાદના કેસમાં પહેલીવાર કૉર્ટે આરોપીને દોષી ઠેરવ્યો છે. ગુજરાતમાં ૨૦૨૧માં નવો સુધારા અધિનિયમ અમલી બન્યો તેના એકાદ વર્ષ બાદ કચ્છમાં પ્રથમ કેસ ૧૬-૦૬-૨૦૨૨ના રોજ દયાપર પોલીસ સ્ટેશનમાં નોંધાયો હતો. ગુનાની તપાસના સપ્તાહ બાદ આરોપી બે સગાં ભાઈ સામે લવ જેહાદના કાયદાની કલમ ઉમેરાઈ હતી. જો કે, કૉર્ટે બેઉને નિર્દોષ જાહેર કર્યાં હતા.