ફરિયાદીએ આરોપ કરેલો કે ચારેક વર્ષ અગાઉ તે ફાઈનાન્સ પેઢીની નોકરી દરમિયાન કામસર મુંબઈ ગયેલો ત્યારે પહેલીવાર સીમરન સાથે મુલાકાત થયેલી. બેઉ વચ્ચે શારીરિક સંબંધો બંધાયેલા અને ફરિયાદીએ તેને વાપરવા માટે નાણાં આપેલાં.

ગાંધીધામ પરત આવ્યા બાદ ફરિયાદીએ સીમરનને ગાંધીધામ બોલાવી હતી. જેથી સીમરને તેને પોતાના પતિ કૈલાસ ગાયકવાડ (રહે. નાની દમણ)નો ફોન નંબર આપી તેની જોડે વાત કરી લેવા જણાવેલું. કૈલાસે પત્નીને ગાંધીધામ મોકલવા પેટે એડવાન્સમાં ૨૫ હજાર રૂપિયા માંગેલા જે ફરિયાદીએ ઓનલાઈન ટ્રાન્સફર કરાવ્યા હતા. 

ફરિયાદી રૂપિયા પાછાં માંગતો ત્યારે નવા નવા બહાના કરતો હતો. આ ગુનામાં અગાઉ પોલીસે કૈલાસ ગાયકવાડની ધરપકડ કરી હતી. સૂત્રોમાંથી મળતી માહિતી મુજબ કૈલાસે અગાઉ પોતે ઓનલાઈન ગેમ્સમાં બધા રૂપિયા હારી ચૂક્યો હોવાનું કહીને રીકવરીના નામે હાથ અધ્ધર કરી દીધા હતા. ગાંધીધામ બી ડિવિઝન પીઆઈ એસ.વી. ગોજીયા, પીએસઆઈ સી.એચ. બડીયાવદરા, એલ.એન. વાઢીયા અને સર્વેલન્સ સ્ટાફ કામગીરીમાં જોડાયો હતો.