પોલીસે પેન્ટ હટાવીને પગમાં ધારણ કરેલો પાટો (ઈલાસ્ટિક બેન્ડ) કઢાવતાં પડીકી મળી આવી હતી. સલીમ અહીં બપોરથી મોડી રાત સુધી ખાટલાં પર બેસીને ડ્રગ્ઝની પડીકીઓ વેચતો હોવાની બાતમીના પગલે ગાંધીધામ એ ડિવિઝન પોલીસ ઈન્સ્પેક્ટર એમ.ડી. ચૌધરી અને તેમની ટીમે દરોડો પાડ્યો હતો.

સલીમની અંગઝડતીમાંથી પોલીસને ૧૦ હજાર ૪૯૦ રોકડાં રૂપિયા, ઝીપ લૉકવાળી પ્લાસ્ટિકના ચાર ખાલી પાઉચ, એમડીનું વજન કરવા માટેનો પોકેટ ડિજિટલ વજનકાંટો, મોબાઈલ ફોન, બીડી-સિગારેટ વગેરે મળી આવ્યા હતા. પોલીસને પ્રાથમિક પૂછપરછમાં જાણવા મળ્યું છે કે સલીમ ચાર પાંચ માસ અગાઉ અજમેરની મુલાકાતે ગયેલો ત્યારે તેને મુબારકનો ભેટો થયેલો. સલીમ અને મુબારક સામે એનડીપીએસની ધારાઓ તળે ગુનો નોંધાયો છે.