બનાવ અંગે મૃતકના ભાઈએ દસ હજાર રૂપિયાની લેતી-દેતીના મામલે મથડા ગામની સીમમાં વાડીએ મજૂરી કરતા અરવિંદ જયંતીભાઈ સથવારા સામે શંકા દર્શાવી ફરિયાદ નોંધાવી હતી. પોલીસ તપાસમાં પુરાવા મળ્યાં બાદ પધ્ધર પોલીસે અરવિંદ અને તેની પત્નીની ધરપકડ કરેલી.

પોલીસે આરોપ કર્યો છે કે શબ્બિરે અરવિંદને જુગાર રમવા માટે દસ હજાર રૂપિયા આપેલાં. આ નાણાંની ઉઘરાણી હેતુ શબ્બિરે અરવિંદની મોટર સાયકલ પોતાની પાસે રાખી લીધી હતી.

અરવિંદે શબ્બિરને ચાકુના ઘા ઝીંકી મારી નાખેલો. લોહીવાળા લુગડાં ધોઈ નાખીને અરવિંદની પત્નીએ પુરાવાનો નાશ કરેલો હોઈ પોલીસે તેની પણ ધરપકડ કરેલી. અરવિંદની પત્નીને કૉર્ટે જામીન પર મુક્ત કરતા અરવિંદે સમાનતાના સિધ્ધાંતના આધારે પોતાને પણ જામીન પર છોડવા રજૂઆત કરેલી. જો કે, સરકારી વકીલ ડી.જે. ઠક્કરે દલીલ કરેલી અરવિંદ ગુનાનો મુખ્ય સૂત્રધાર છે.

અરવિંદ સામે સીસીટીવી ફૂટેજ સહિતના મજબૂત પુરાવા છે. વળી, ફોરેન્સિક સાયન્સ લેબોરેટરીનો રિપોર્ટ હજુ આવ્યો નથી. ગુનાનો પ્રકાર અને ગંભીરતા જોઈને સેશન્સ જજ દિલીપ પી. મહિડાએ અરજી ફગાવી દીધી છે.