૯ જણની ટોળકીએ ગુનાહિત કાવતરું ઘડીને આ ગુનો આચરી સરકાર સાથે છેતરપિંડી કરી હોવાનો ફરિયાદમાં આરોપ કરાયો હતો. ઈન્કમ ટેક્સ વિભાગે ગાંધીધામ અને મુંદરાની કેટલીક શિપીંગ કંપનીઓમાં પાડેલા દરોડા દરમિયાન આ કૌભાંડ બહાર આવેલું.

કૉર્ટે અરજી ફગાવતાં જણાવ્યું કે ઈન્કમ ટેક્સ અધિનિયમ મુજબ વિદેશમાં નાણાં મેળવનાર પેઢી પાસેથી ટેક્સ રેસિડેન્સી સર્ટીફિકેટ સહિતના પ્રમાણિત દસ્તાવેજો મેળવ્યાં વગર જ અરજદાર/ આરોપીએ ફોર્મ 15 CB ઈસ્યૂ કરેલાં જેના આધારે કંપનીઓએ ‘ડબલ ટેક્સેસન એવોઈડન્સ એગ્રીમેન્ટ DTAA’ અંતર્ગત કરમુક્તિનો લાભ મેળવેલો.

ઉલ્લેખનીય છે કે આરોપીએ ફોજદારી ફરિયાદ રદ્દ કરાવવા ગુજરાત હાઈકૉર્ટમાં અરજી દાખલ કરેલી પરંતુ હાઈકૉર્ટનું વલણ જોતાં પાછળથી પાછી ખેંચી લીધી હતી. કરોડોના વ્હાઈટ કૉલર ક્રાઈમની ફરિયાદ નોંધાયાને એક મહિનો વીતી ગયો છે, આરોપીની ધરપકડનો માર્ગ મોકળો થઈ ગયો છે ત્યારે પોલીસ આરોપીઓની તત્કાળ ધરપકડ કરી તપાસનો આરંભ કરે છે કે કેમ તેના પર સહુની મીટ મંડાઈ છે.