રામલાલ મહિલાનો હાથ પકડી પરાણે બાવળની ઝાડીમાં ખેંચી ગયેલો. મહિલાની ઓઢણી વડે મોંઢુ બાંધી લઈને દુષ્કર્મ આચરેલું. ભોગ બનનારે પ્રતિકાર કરવા પ્રયાસ કર્યો તો તેણે મુક્કા મારી પથ્થર મારેલો. દુષ્કર્મ બાદ ધાક-ધમકી આપીને જતો રહેલો.

પુત્રની ઊંમરના યુવકે માતાની ઊંમરની મહિલાને એકલી ભાળીને દુષ્કર્મ આચર્યું હોવાની બાબતને ગંભીર લેખાવીને ગાંધીધામના આઠમા અધિક સેશન્સ જજ એલ.ડી. વાઘે રામલાલને દોષી ઠેરવીને ઈપીકો કલમ ૩૭૬ (૧) હેઠળ ૧૦ વર્ષની સખ્ત કેદ સાથે ૧૦ હજાર રૂપિયા દંડ, ઈપીકો કલમ ૩૨૩ અને ૫૦૬ (૨) હેઠળ ૬-૬ માસની કેદ અને ૧-૧ હજારનો દંડ ફટકાર્યો છે. પોલીસે ગુનામાં લગાડેલી એટ્રોસિટી એક્ટ તળેની કલમ હેઠળનો આરોપ ફરિયાદ પક્ષ કૉર્ટમાં પૂરવાર કરી શક્યો નહોતો.