૨૦૨૪માં NCBના અમદાવાદ ઝોનલ યુનિટમાં દાખલ થયેલાં કચ્છના આવા કરોડોની કિંમતના ડ્રગ્ઝ જપ્તીના ૮ કેસમાં કશી જ કડી ના મળતાં NCBએ તપાસ બંધ કરીને ભુજની ખાસ NDPS કૉર્ટમાં ક્લોઝર રિપોર્ટ ફાઈલ કરીને કાયમી ધોરણે તેને બંધ કરી દીધા છે!

આ સિલસિલો છેલ્લાં એક દાયકાથી ચાલ્યો આવ્યો છે પરંતુ આ માદક દ્રવ્યો દરિયામાં કોણ ફેંકી દે છે તેનું રહસ્ય આજ દિન સુધી ઉજાગર થયું નથી.

કચ્છના એક કહેવાતા અગ્રણી છાપાનો અમદાવાદસ્થિત કહેવાતો સિનિયર પત્રકાર ‘આધારભૂત સૂત્રો’ કે ‘ઉચ્ચ અધિકારીઓએ નામ  ના આપવાની શરતે જણાવ્યું’ તેમ લખીને આ બિનવારસી ડ્રગ્ઝ પાકિસ્તાનના ફલાણા ડ્રગ્ઝ માફિયાએ ઢીંકણા બંદર યા જહાજ મારફત ઈરાદાપૂર્વક ભારતીય જળ સીમામાં ફેંક્યુ હોવાના બેધડક ગપગોળા છોડતો હતો પરંતુ તેના એ ખાસ અહેવાલો કેવળ ઠંડા પહોરના ગપ્પાં જ હોવાનું આવા ક્લોઝર રિપોર્ટથી સ્પષ્ટ થાય છે.