ધંધામાં નુકસાની હોઈ ફરિયાદીએ ઑગસ્ટ ૨૦૧૯માં અંજારના મેઘપર બોરીચીની રાધેક્રિષ્ના સોસાયટીમાં રહેતી દક્ષાબા ઊર્ફે દિવ્યાબા વીરેન્દ્રસિંહ વાઢેર પાસેથી માસિક ૪ ટકા વ્યાજે ૧ લાખ રૂપિયા મેળવેલાં. ફરિયાદીએ તેને જૂલાઈ ૨૦૨૪ સુધીમાં ૨.૮૪ લાખ ચૂકવી આપ્યાં છે. એ જ રીતે, ૨૦૨૧માં ફરિયાદીએ અંતરજાળના ખોડાભાઈ માયાભાઈ આહીર પાસેથી સવા ૩ ટકાએ ૩ લાખ રૂપિયા મેળવેલાં.

ખોડાને જૂલાઈ ૨૦૨૪ સુધીમાં ૩.૪૦ લાખ ચૂકવી આપ્યા છે. એ જ રીતે, ૨૦૨૨માં ઘરની બાજુમાં ઑફિસ ધરાવતા હરપાલસિંહ ઝાલા પાસેથી પાંચ ટકા વ્યાજે એક લાખ રૂપિયા મેળવેલ. હરપાલે ગેરન્ટી પેટે એક લાખનો ચેક મેળવેલ. ફરિયાદીએ તેને દર મહિને પાંચ હજાર વ્યાજ લેખે જૂલાઈ ૨૦૨૪ સુધી ૬.૯૨ લાખ ચૂકવી આપ્યાં છે.

ખોડો મકાનના દસ્તાવેજ પાછાં ના આપવાની ધમકી આપે છે તો ૨૪ ઑગસ્ટે દિવ્યાના ભાઈ ચિરાગ ગઢવીએ ફોન કરીને ફરિયાદીને જાનથી મારી નાખવાની ધમકી આપેલી.