પોલીસે પૂછપરછ અને તપાસ પૂરી થઈ ગઈ હોવાનું જણાવી વધુ રીમાન્ડની માંગણી કરી નહોતી. બીજી તરફ, આરોપીઓએ જામીન અરજી દાખલ કરી હતી. જો કે, કૉર્ટે તેમની અરજી ફગાવીને જેલહવાલે કર્યાં છે. આરોપીઓ સામે ઈડીનું નકલી ઓળખપત્ર બનાવવા સંદર્ભે પોલીસે ગુનામાં BNS કલમ ૩૩૭, ૩૩૮, ૩૩૯નો ઉમેરો કર્યો છે.

આ ગુનામાં પોલીસે જેને સૂત્રધાર ગણાવ્યો છે તે ભુજના અબ્દુલ સત્તાર માંજોઠીના આમ આદમી પાર્ટી સાથે કનેક્શન અને તોડના રૂપિયા તે પાર્ટીના કાર્યક્રમોમાં વાપરતો હોવાના એસપીના નિવેદનના પગલે ભારે હોબાળો મચ્યો છે. એસપીએ તેને મળેલાં ફંડની મની ટ્રેઈલ તપાસવામાં આવી રહી હોવાનું જણાવ્યું હતું. જો કે, આજે આ મામલે પોલીસે કૉર્ટમાં કોઈ જ રજૂઆત કરી નહોતી તેમ સરકારી વકીલ ભગવાન પટેલે જણાવ્યું હતું. આ મામલે જવાબદારોએ મૌન ધારણ કરી લેતાં એસપીના નિવેદન અંગે નવું શું ડેવલોપમેન્ટ છે તે મુદ્દો રહસ્યમયી બની રહ્યો છે.