પીઆઈ ડી.ડી. ઝાલાએ જણાવ્યું કે AK 46 અને AK 47 જેવા વિવિધ આધુનિક બંદુકો અને મશીનગનમાં વપરાતાં ફૂટેલાં કારતૂસનો જથ્થો છે. પોલીસ માની રહી છે કે વિદેશથી આયાત થયેલાં સ્ક્રેપમાં આ જથ્થો નીકળ્યો હશે અને પોલીસ કામગીરીથી બચવા માટે કોઈએ કોથળો પુલ નીચે ફેંકી દીધો હશે. ઉલ્લેખનીય છે કે ૧૬-૦૯-૨૦૨૪ના રોજ એસઓજીએ મીઠીરોહર ઓવરબ્રિજ નીચે આવેલા એક ભંગારવાડામાં દરોડો પાડી ગૃહયુધ્ધગ્રસ્ત યમનથી ઈમ્પોર્ટ થયેલા સ્ક્રેપમાંથી પણ આવા ફૂટેલાં કારતૂસનો જથ્થો જપ્ત કર્યો હતો.