જે લોકો સાયબર ફ્રોડ સંદર્ભે ૧૯૩૦ નંબર પર ફરિયાદ નોંધાવે કે તુરંત સંબંધિત એકમો એક્શનમાં આવીને જે બેન્કના ખાતામાં નાણાં ટ્રાન્સફર થયાં હોય તે બેન્કને નાણાં ફ્રીઝ કરવા નોટિસ-સૂચના આપે છે. જો કે, આ નાણાં પરત મેળવવા માટે ભોગ બનનાર વ્યક્તિએ કૉર્ટ કાર્યવાહી કરવી પડે છે. એપ્રિલના એક જ માસમાં ફક્ત પૂર્વ કચ્છમાં જ આ રીતે અનેક લોકોએ એક કરોડથી વધુ રૂપિયા ગૂમાવ્યાં હતાં. જે પૈકી ફ્રીઝ થયેલી ૯૧.૭૨ લાખ રૂપિયાની રકમ પરત મેળવવા સાયબર ક્રાઈમ પોલીસે તેમને કૉર્ટમાં અરજી કરાવી ઝડપથી કાયદાકીય કાર્યવાહી કરવામાં મદદ કરી કૉર્ટના હુકમથી આ નાણાં તેમના બેન્ક ખાતાઓમાં પરત મેળવી અપાવ્યાં છે.