લાકડીયા પીઆઈ જે.એમ. જાડેજાએ જણાવ્યું કે ગત ૨૯-૦૬-૨૦૨૫ના રોજ મજીદ અને તેના બે સાગરીત અબ્બાસ ઊર્ફે અભાસ કાસમ મેર (રહે. ભીડ નાકા, ભુજ) તથા સલીમ મામદ મોખા (રહે. નાના વરનોરા, ભુજ)એ શિવલખા ગામના સીમાડેથી પસાર થતી ૭૬૫ કેવીની હેવી એલ્યુમિનિયમ વીજલાઈનનું કટિંગ કરી, ૧૬ ઈન્સ્યુલેટરને ડેમેજ કરી કેબલ ચોરી કરી જાહેર સંપત્તિને નુકસાન પહોંચાડ્યું હતું.

લાકડીયા પોલીસે ૨ લાખની કિંમતનો ૧ હજાર મીટર વાયર અને ગુના કામે વપરાયેલી બોલેરો કાર વગેરે મુદ્દામાલ કબજે કર્યો છે. ૨૯ ઑગસ્ટના રોજ ભુજ તાલુકાના ખેંગારપર ગામની સીમમાં વીજ કંપનીના ૨.૨૫ લાખની કિંમતના ૧૫૦૦ મીટર કેબલની ચોરીના ગુનામાં પણ અબ્દુલ મજીદ સંડોવાયો હોવાનું તેની ક્રાઈમ હિસ્ટ્રી પરથી સ્પષ્ટ થયું છે.