સહકર્મચારી અરવિંદકુમાર પાસવાને તુર્ત જ કમાન્ડન્ટને જાણ કરેલી અને પંકજને હોસ્પિટલમાં સારવાર માટે ખસેડાયો હતો પરંતુ તેનું પ્રાણપંખેરું ઉડી ગયું હતું. પંકજના મૃતદેહને ફોરેન્સિક ઑટોપ્સી માટે જામનગરની મેડિકલ કોલેજ ખાતે મોકલી અપાયો છે.

ઘટના અંગે ગાંધીધામ એ ડિવિઝન પોલીસે આકસ્મિક મૃત્યુની નોંધ પાડી તપાસ હાથ ધરી છે. પોલીસે જણાવ્યું કે બનાવ અંગે જાણ કરાતાં મૃતકના પરિવારજનો ગાંધીધામ દોડી આવ્યાં હતા. મૃતક પંકજ અપરિણીત હતો અને ૨૦૨૩માં BSFમાં જોડાયો હતો. હજુ બે દિવસ અગાઉ જ રજા પરથી ગાંધીધામની નોકરી પર પરત ફર્યો હતો. આપઘાતનું કારણ સ્પષ્ટ થઈ શક્યું નથી. પોલીસ સબ ઈન્સ્પેક્ટર એચ.વી. ઝાલાએ તપાસ હાથ ધરી છે.