ગાંધીધામ એસીબી પોલીસ સ્ટેશનના ઈન્ચાર્જ પીઆઈ એલ.એસ. ચૌધરીએ મદદનીશ નિયામક કે.એચ. ગોહિલના સુપરવિઝનમાં બે વર્ષ સુધી ગહન તપાસ કર્યા બાદ ઝીંઝાળા વિરુધ્ધ અપ્રમાણસર મિલકતનો ગુનો દાખલ કરીને ઝીંઝાળાની ધરપકડ કરી છે.

ગુનાની તપાસ પાટણ એસીબી પીઆઈ એમ.જે. ચૌધરીને સુપ્રત કરાઈ છે. ઉલ્લેખનીય છે કે જૂલાઈ ૨૦૨૩માં ગાંધીધામમાં લાકડાના વેપારીના ગોડાઉનમાં તપાસ કરીને વન વિભાગની મંજૂરી વગર કેટલુંક મટિરિયલ રાખીને વેપારી તેનું વેચાણ કરતો હોવાનો દમ મારીને ઝીંઝાળાએ વચેટિયા ધવલ પ્રજાપતિ મારફતે એક લાખની લાંચ માગેલી. એસીબીએ ટ્રેપ ગોઠવીને બેઉને ઝડપી પાડેલાં.

પૂર્વ કચ્છ વન વિભાગનો આ બીજો આરએફઓ અપ્રમાણસર મિલકત ધરાવવા બદલ એસીબીના ગુનામાં ફીટ થયો છે. અગાઉ ૨૦૧૮માં નિવૃત્ત આરએફઓ આર.એમ. આહીર વિરુધ્ધ પણ અપ્રમાણસર મિલકત ધરાવવા સબબ Disproportionate Assets DA Case દાખલ થયેલો.