આદિપુરના શિણાયમાં રહેતી ૩૨ વર્ષિય ગૃહિણી કોમલબા હરદેવસિંહ સરવૈયાએ પોલીસ ફરિયાદમાં જણાવ્યું કે તેનો પતિ એક ખાનગી કંપનીમાં સિનિયર મેનેજર તરીકે કામ કરે છે. ફરિયાદીએ એમેઝોન કંપની પરથી ઓનલાઈન એક પ્રોડક્ટની ખરીદી કરેલી જે પસંદ ના આવતાં રીટર્ન કરવાની હતી.

ફરિયાદીએ તે નંબર પર ફોન કરતાં સામેવાળાએ તેમને ડેબિટ કાર્ડનો ફોટો પાડીને મોકલવાનું જણાવેલું. કોમલને શંકા જતા ઈન્કાર કરેલો.

હકીકતે તમારો મોબાઈલ નંબર બદલ્યાં વગર મોબાઈલ ફોન સર્વિસ પ્રોવાઈડર કંપની બદલવી હોય એટલે કે નંબર યથાવત્ રાખીને આઈડિયાથી એરટેલ અથવા એરટેલથી બીએસએનએલમાં જવું હોય તેના માટેની આ સેવા છે. પાંચ દિવસ બાદ ગૃહિણીના મોબાઈલનું સીમકાર્ડ બંધ થઈ ગયેલું. મોબાઈલ કંપનીનો કોન્ટેક્ટ કર્યો તો તેમણે નજીકના કસ્ટમર કેર સેન્ટરમાં રૂબરૂ જવા કહેલું.

બેન્કમાં રૂબરૂ ગયાં બાદ ત્યાંથી માર્ગદર્શન મળ્યાં બાદ તે જ દિવસે ઓનલાઈન સાયબર ફ્રોડ અંગેની હેલ્પલાઈન ૧૯૩૦ પર ફરિયાદ નોંધાવેલી. જેના પગલે આજે આદિપુર પોલીસે અજાણ્યા ગઠિયાઓ સામે ગુનો નોંધી તપાસ હાથ ધરી છે.