ફરિયાદી જિજ્ઞેશ પારેખે જણાવ્યું કે તે રાજકોટની એસ.કે. ફાઈનાન્સ પેઢીમાં સૌરાષ્ટ્ર કચ્છ ઝોનના એરિયા મેનેજર તરીકે નોકરી કરે છે. તેમની ગાંધીધામ બ્રાન્ચે લોનથી વાહનો ખરીદવા ઈચ્છતાં નવા ગ્રાહકો શોધીને, લોન કરાવી આપવા માટે વિશાલ જેશાભાઈ ધોળકીયા (રહે. વાલરામ સોસાયટી, રેલવે ટ્રેક પાસે, મેઘપર, અંજાર)ને સપ્ટેમ્બર ૨૦૨૨માં ડીએસએ એજન્ટ તરીકે કરાર આધારીત નોકરી પર રાખ્યો હતો.

ફાઈનાન્સ પેઢીએ મંજૂર થયેલી લોનની રકમ વિશાલના ખાતામાં જમા કરાવેલી અને વિશાલ આ રુપિયા હજમ કરી ગયો હતો.

ઘટના બાબતે ફાઈનાન્સ પેઢીએ ગાંધીધામ એ ડિવિઝન પોલીસ મથકે ફરિયાદ નોંધાવવા તજવીજ કરેલી પરંતુ પોલીસે ટેકનિકલ કારણો રજૂ કરીને ફરિયાદ ના નોંધતા પેઢીએ હાઈકૉર્ટમાં દાદ માંગેલી. હાઈકૉર્ટે પોલીસને ગુનો બનતો હોય તો ફરિયાદ નોંધવાનો આદેશ કર્યાં બાદ પોલીસે વિધિવત્ ફરિયાદ દાખલ કરી હોવાનું ફરિયાદીએ જણાવ્યું છે.