શહેરના કેમ્પ વિસ્તાર, સરપટ નાકા, ભીડ નાકા આસપાસના વિસ્તારોમાં આ ભેદી પદાર્થ વધુ દેખાયો છે જ્યારે અન્ય વિસ્તારોમાં જોવા મળ્યો નથી.આકાશમાં થોડીક વાર માટે જોવા મળ્યાં બાદ આ ભેદી ચીજ અંધારામાં જ ગાયબ થઈ ગઈ હતી.

આકાશમાં ડ્રોન ઉડાડવા માટે કડક પ્રતિબંધો છે. સંરક્ષણ દળો દ્વારા સર્વેલન્સ માટે કદાચ કોઈ પ્રોજેક્ટના ભાગરૂપે આવા ડ્રોન ઉડાડાયાં હોય તેવી શક્યતા વ્યક્ત થઈ રહી છે. આ મામલે ભુજ બી ડિવિઝનના પોલીસ ઈન્સ્પેક્ટર ડી.ડી. શિમ્પીએ જણાવ્યું કે આકાશમાં સંખ્યાબંધ ડ્રોન જેવી કોઈ ભેદી ચીજ વસ્તુ ઉડતી હોવાની બાબત અમારા ધ્યાને આવી છે. આ મામલે અમે ગહન તપાસ હાથ ધરી છે.