ગુનાનો ભોગ બનનાર કિશોરી તેના પરિચિત કિશોર વયના યુવક સાથે સાંજે સાડા સાતના અરસામાં શનિદેવ મંદિરથી શિણાય તરફ જતી હતી ત્યારે એકાએક બે અજાણ્યા યુવકે તેમને આંતર્યાં હતા.

સ્કુટી લઈને અજાણ્યો શખ્સ થોડેક આગળ ટેકરા જેવી નિર્જન જગ્યાએ કિશોરીને લઈ ગયેલો અને તેની સાથે શારીરિક દુષ્કર્મ આચરવા પ્રયાસ કર્યો હતો. કિશોરીએ સખ્ત ઈન્કાર કરતાં હવસખોરે તેને ધમકી આપેલી કે ‘તને મારીને અહીં જ દાટી દઈશ અને જો તાબે નહીં થાય તો હું મારા બીજા દોસ્તોને અહીં બોલાવીશ અને તેઓ પણ તેની સાથે આવું કરશે’

કિશોરીએ શારીરિક બળજબરીનો પ્રતિકાર કરવા પ્રયાસ કરેલો જેમાં તેને સંવેદનશીલ ભાગમાંથી લોહી નીકળવા માંડેલું. આથી હવસખોર શખ્સે કિશોરી પાસે હસ્તમૈથુન અને મુખમૈથુન કરાવીને હવસ સંતોષી હતી. આ દરમિયાન તેનું વીર્ય કિશોરીના કપડાં પર પડ્યું હતું. હવસ સંતોષીને અજાણ્યો શખ્સ કિશોરીને સ્કુટી પર બેસાડીને અંજાર તરફ નાયર પેટ્રોલ પંપ પાસે રસ્તા પર ઉતારીને નાસી ગયો હતો.

કિશોરી સાથે રહેલાં છોકરાને બીજો યુવક બાઈક પર બેસાડીને શનિ મંદિર પાસેથી પસાર થતો હતો તે સમયે છોકરાએ બાઈક પાડી દીધું હતું. ગભરાઈ ગયેલો યુવક નંબર પ્લેટ વગરનું બ્લેક સુઝુકી બાઈક ત્યાં જ પડતું મૂકીને નાસી ગયો હતો.