ભોગ બનનાર કિશોરી ગુરુવારે સાંજે સાડા સાતના અરસામાં પરિચિત કિશોર સાથે જતી હતી ત્યારે સ્કુટી અને બાઈક પર આવેલા મહેશ અને સંદીપે બેઉને આંતરીને પોલીસના નામે ધમકાવ્યાં હતા.

મહેશે કિશોરીને નિર્જન ટેકરા જેવી જગ્યાએ લઈ જઈને, ધાક-ધમકી આપી હેવાનિયત આચરીને હવસ સંતોષી હતી. મોડી રાત્રે બનાવ અંગે જાણ થતાં જ આદિપુર પોલીસ અને ક્રાઈમ બ્રાન્ચ હરકતમાં આવી જઈ આરોપીઓને દબોચી લેવા સઘન તપાસ શરૂ કરી દીધી હતી.

LCB પીઆઈ એન.એન. ચુડાસમા, પીએસઆઈ ડી.જી. પટેલ તથા આદિપુરના પીઆઈ એમ.સી. વાળા અને પીએસઆઈ આર.એમ. ડુવા સહિતના સ્ટાફે બંને શખ્સોને ઝડપી લેવા ભારે દોડધામ કરી હતી.