વળતી ટ્રીપમાં ટ્રેન રાજકોટથી બપોરે અઢી વાગ્યે ઉપડીને રાત્રે ૯.૪૦ કલાકે ભુજ પહોંચશે. ૨૭૩ કિલોમીટરનો પ્રવાસ ૭ કલાકમાં ખેડશે. ટ્રેન બંને તરફથી આવ-જા કરતી વેળા ગાંધીધામ, ભચાઉ, સામખિયાળી, માળિયા, દહીંસરા, મોરબી ખાતે સ્ટોપ કરશે.

રેલવેના સૂત્રોના જણાવ્યા મુજબ પ્રવાસીઓના ધસારાને અનુલક્ષીને ભવિષ્યમાં આ ટ્રેન સેવા વિસ્તારવા અંગે નિર્ણય લેવાશે. વિશેષ ટ્રેન શરૂ થવાની જાહેરાતને વધાવી લઈને કચ્છના સાંસદ વિનોદ ચાવડાએ પ્રવાસીઓની લાંબા સમયની પડતર માંગણીને સંતોષવા બદલ વડાપ્રધાન નરેન્દ્ર મોદી અને રેલવે મંત્રી અશ્વિનીકુમારનો આભાર માન્યો છે.