ફરિયાદી ધીરેનજ મજેઠીયાએ જણાવ્યું કે ગત સાતમી મેના રોજ તેમને બેન્કના સભાસદ દિનેશ મણિલાલ ઠક્કરનો લેખિત પત્ર મળ્યો હતો. જેમાં આઠ વર્ષ જૂના ડાયરેક્ટરોના રાજીનામા મુદ્દે રજૂઆત કરવા સાથે બેન્કના વર્તમાન એમડી હિતેશ ચત્રભુજ ઠક્કર, ચેરમેન કલ્પેશ રવિલાલ ઠક્કર અને ડાયરેક્ટર ચેતન રવિલાલ શાહના રાજીનામાં લેવા મુદ્દે માગ કરાઈ હતી.

બેન્ક દ્વારા દિનેશ ઠક્કરને આ રજૂઆત મુદ્દે પૂછવામાં આવ્યું ત્યારે તેમણે પોતે કોઈ પત્ર લખ્યો હોવાનો કે પોતાના નામનું કોઈ ઈ મેઈલ આઈડી હોવાનો ઈન્કાર કરી દીધો હતો. આમ, અજાણ્યા શખ્સોએ બેન્કના પદાધિકારીઓની પ્રતિષ્ઠા ખરડવા સમગ્ર કારસો રચ્યો હોવાનું સ્પષ્ટ થતાં મેનેજરે ભુજ એ ડિવિઝનમાં ફરિયાદ નોંધાવી છે.