મજીદ અવારનવાર બાળાના પિતાના મોબાઈલ ફોનમાં ફોન કરીને બાળા જોડે અવારનવાર વાતચીત કરતો રહેતો હતો અને તેની જોડે લગ્ન કરવાનું કહેતો હતો.

બનાવના આગલા દિવસે બાળા માતા જોડે માધાપર ખાતે મામાના ઘેર ગઈ તે રાત્રે મજીદ તેને મોટર સાયકલ પર બેસાડીને અપનયન કરીને માંડવી બીચ પર લઈ ગયો હતો. બાદમાં માપર નજીક તળાવની પાળે બાવળોની ઝાડીમાં તેની સાથે શારીરિક સંબંધ બાંધ્યો હતો.

જેથી પોલીસે ગુનામાં દુષ્કર્મ અને પોક્સો સહિતની અન્ય કલમોનો ઉમેરો કર્યો હતો.

આ કેસમાં ફરિયાદ પક્ષે રજૂ કરેલા ૨૨ દસ્તાવેજી પુરાવા અને ૬ સાક્ષીઓને તપાસી વિશેષ પોક્સો કૉર્ટના જજ જે.એ. ઠક્કરે આજે મજીદને ગુનામાં દોષી ઠેરવીને પોક્સો એક્ટની કલમ ૬ અને એટ્રોસીટી એક્ટની કલમ ૩ (૧) (w) (૧) હેઠળ અંતિમ શ્વાસ સુધીની સખત કેદ સાથે પચાસ હજાર રૂપિયાના દંડની સજા ફટકારી છે. કૉર્ટે ઈપીકો કલમ ૩૬૩ હેઠળ ૩ વર્ષની કેદ અને ૩ હજાર રૂપિયા દંડ, ૩૬૬ હેઠળ ૫ વર્ષની ૫ હજાર રૂપિયા દંડ પણ ફટકાર્યો હતો.

આ કેસમાં સરકાર તરફે પોક્સો કૉર્ટના વિશેષ સરકારી વકીલ એચ.બી. જાડેજાએ હાજર રહીને તર્કબધ્ધ દલીલો કરી હતી.

જજે ચુકાદામાં નોંધતા જણાવ્યું કે, ૩૦ વર્ષની મોટી ઉંમર ધરાવતા પરિણીત આરોપીએ એક ૧૬ વર્ષથી નાની ઉંમર ધરાવતી સગીરા સાથે ગુનાહિત કૃત્ય કર્યાનું સ્પષ્ટ જણાઈ આવે છે. બેઉની ઉંમર જોતાં સામાન્ય રીતે, સામાન્ય સંજોગોમાં બે તરુણો વચ્ચે જે પ્રેમ સંબંધ હોય તે પ્રકારનો આ પ્રેમ સંબંધ કહી શકાય નહીં.

મજીદ સ્કુલ રીક્ષાચાલક હતો અને આ કૃત્યથી એક માવતરે તેના પર મૂકેલા વિશ્વાસનો તેણે ભંગ કર્યો હતો. આવા એક બનાવના કારણે સમાજમાં રહેતા માતા પિતા બાળકીઓને આવી રીતે વાહનમાં મોકલવાની હિંમત કરી શકતા નથી.

સભ્ય સમાજની સ્થાપના માટે આ પ્રકારના કૃત્યોને, બાળકો-સ્ત્રીઓ સાથે થતાં અત્યાચારને રોકવા જ પડશે. સગીર બાળકીઓ સાથે આવા કૃત્યની અસર તેમના સમગ્ર જીવન પર પડે છે.