લખપતના પીપર ગામની વતની અને નજીકના હોથિયાઈ ગામના સીમાડે પરિવાર સાથે રહી મજૂરીકામ કરતી ૨૦ વર્ષની સલમા જત નામની યુવતીની તેના કાકાના પુત્ર ઈબ્રાહિમ ગુલામ જતે ગળું દબાવી હત્યા કરી નાખી હોવાનો બનાવ બન્યો છે.

પોલીસ સૂત્રોના જણાવ્યા મુજબ ઈબ્રાહિમ સલમાને એકતરફી પ્રેમ કરતો હતો. પરંતુ, સલમાની બીજે સગાઈ થતાં તે ઉશ્કેરાયો હતો અને તેણે તેની હત્યા કરી નાખી હતી. વાયોર પોલીસ સબ ઈન્સ્પેક્ટર ડાંગરે બનાવ અંગે મૃતકના પિતાની ફરિયાદ લઈ હત્યાનો ગુનો નોંધવા તજવીજ હાથ ધરી છે.

માંડવીના જખણિયા ગામે આજે સાંજે સાડા પાંચના અરસામાં ભુજની આરટીઓ રિલોકેશન સાઈટ ખાતે રહેતા ૩૬ વર્ષિય ચિંતન કિશોરભાઈ ગોર નામના યુવકની છરી ઝીંકી બે શખ્સોએ ઘાતકી હત્યા કરી નાખી હોવાનો બનાવ બન્યો છે. ચિંતનને જી.કે. જનરલ હોસ્પિટલમાં સારવાર માટે લઈ આવેલા પ્રિયેન મહેશચંદ્ર રાજગોર (રહે. આરટીઓ, ભુજ)એ પોલીસ ચોકીમાં જણાવ્યું કે મરણ જનાર ચિંતન તેનો માસિયાઈ ભાઈ થાય છે.

જો કે, બિનસત્તાવાર સૂત્રોમાંથી મળતી માહિતી મુજબ પોલીસના આશીર્વાદ સાથે જખણિયામાં ચાલતી જુગાર ક્લબમાં નાણાંની લેતી-દેતીના મામલે આ બનાવ બન્યો છે.

ભુજ એ ડિવિઝન પોલીસે ૧૨ ખેલી સાથે ૭૩ હજાર રોકડા રૂપિયા, ૭ દ્વિચક્રી વાહનો, મોબાઈલ ફોનો મળી લાખોનો મુદ્દામાલ જપ્ત કર્યો હતો. દરોડા સમયે ૬ ખેલી નાસી ગયાં હતાં. ઝડપાયેલાં અને નાસી ગયેલાં મોટાભાગના ખેલીઓ ભુજના રાજગોર યુવકો હોવાનું તે સમયે પોલીસે જણાવ્યું હતું.