શનિવારે બપોરે ASI નરેન્દ્રસિંહ ઝાલાને મળેલી બાતમીના આધારે SOGની ટીમે શેખપીર ત્રણ રસ્તા પાસે મરચાંના સ્ટૉલ નજીક આવેલા પાર્કિંગમાં રહેલી  આઈસર ટ્રકમાં બેઠેલાં કરીમ સિધિક મમણ (ઉ.વ. ૩૩, રહે. નાના વરનોરા, ભુજ) અને હરેશ વાલજી કેરાસીયા (૩૪, ઝીંકડી, ભુજ)ને ઝડપી પાડ્યાં હતાં.

પ્રાથમિક પૂછપરછમાં બેઉ જણે કબૂલ્યું કે ડ્રગ્ઝ ખરીદવા માટે અમદાવાદના શાહઆલમ વિસ્તારમાં રહેતા સલીમ સૈયદ નામના શખ્સનો ફોનથી કોન્ટેક્ટ કરેલો અને તેનો માણસ ડ્રગ્ઝની ડિલિવરી આપી ગયેલો.

આરોપીઓના કબજામાં રહેલા ડ્રગ્ઝ ઉપરાંત ૧૫ લાખની આઈસર ટ્રક, ૨૦ હજાર ૯૮૫ રોકડાં રૂપિયા, બે મોબાઈલ ફોન વગેરે મળી કુલ ૧૭ લાખ ૩ હજાર ૯૮૫ રૂપિયાનો મુદ્દામાલ કબજે કરીને પધ્ધર પોલીસ મથકે NDPS Actની કલમો તળે ફરિયાદ નોંધાવાઈ છે.

કામગીરીમાં SOGના પીઆઈ કે.એમ. ગઢવી, એએસઆઈ નરેન્દ્રસિંહ જાડેજા, દિનેશ ગઢવી, રઘુવીરસિંહ જાડેજા, ભાવેશ ચૌધરી વગેરે સ્ટાફ જોડાયો હતો.