૧૬ જાન્યુઆરી ૨૦૨૫ના રોજ બનાવ બન્યો હતો. ગુનાનો ભોગ બનનાર ઘરના આંગણાંમાં વાસણ ધોતી હતી ત્યારે બેઉ ભાઈ ત્યાં ધસી આવેલાં. સરફરાઝે પીડિતાનો હાથ પકડીને, માથા પરની ઓઢણી ખેંચી લઈને તેને કહેલું કે ‘તું મારી સાથે નિકાહ કરી લે, નહિંતર તને અને તારા પરિવારને જાનથી મારી નાખીશ’ હોબાળાના પગલે ફરિયાદી ભાઈ ઘર બહાર દોડી આવતા સરફરાઝે ‘હું તારી બેન જોડે નિકાહ કરવા માગું છું’ કહીને પીડિતાને બાથ ભરી લીધી હતી. પીડિતાના પરિવારે સરફરાઝની ચુંગાલમાંથી તેને છોડાવેલી.

ઘટનાના એક કલાક બાદ પીડિતાનો ભાઈ ઘર બહાર ચાની હોટેલ પર ગયેલો ત્યાં ફરી બેઉ ભાઈ ત્યાં આવેલાં. સરફરાઝે તેને કહેલું કે ‘તું અમારો સાળો થવાનો છે, ચા પીવા પૈસા આપ’ પૈસા આપવા ઈન્કાર કરતાં બેઉ ભાઈએ ગાળો ભાંડી તેને મુઢ માર મારીને છરીથી હુમલો કરેલો. સરફરાઝે છરીથી હુમલો કરતાં પીડિતાના ભાઈને હાથના અંગુઠા અને પગની સાથળમાં ઈજા પહોંચી હતી. ફરિયાદમાં જણાવાયેલું કે ત્રણેક માસ અગાઉ પીડિતા દુકાને સામાન લેવા તેમજ નમાઝ પઢવા જતી હતી ત્યારે સરફરાઝે રસ્તામાં તેનો હાથ પકડીને છેડતી કરેલી. બનાવ અંગે ભુજ બી ડિવિઝન પોલીસ સ્ટેશને બેઉ ભાઈ સામે ગુનો દાખલ થયેલો.

કૉર્ટે ગુનાનો ભોગ બનનારને પચાસ હજાર રૂપિયાનું વળતર ચૂકવવા ડી.એલ.એસ.એ.ને ભલામણ કરી છે. આ કેસમાં પ્રોસિક્યુશન તરફે મુખ્ય જિલ્લા સરકારી વકીલ એચ.બી. જાડેજાએ હાજર રહીને દલીલો કરી હતી.