ગોહિલે વિઝાથી લઈ રીટર્ન એર ટિકિટ સહિતની તમામ સેવાઓ સાથેનું ટૂર પેકેજ પ્લાન કરી આપવા અમદાવાદમાં રહેતા ઓળખીતા ટ્રાવેલ એજન્ટ જીગર જીતેન્દ્રભાઈ દવે (રહે. જનતાનગર, ચાંદખેડા)ને કામ સોંપ્યું હતું.

જીગરે તેમને વોટસએપ પર દિલ્હીથી બાકુ જતી ફ્લાઈટની એર ટિકિટ પણ મોકલી આપી હતી. બીજી ઓક્ટોબરના રોજ ચારે મિત્રો હોંશથી ભુજથી અમદાવાદ પહોંચ્યાં હતાં. પરંતુ, જીગર તેમને મળ્યો નહોતો. જીગરે તેમને અમદાવાદથી ફ્લાઈટમાં દિલ્હી જઈ બાકુની ફ્લાઈટ ટાઈમસર પકડી લેવા જણાવી અમદાવાદ દિલ્હીની ફ્લાઈટનું એર ફેર પાછળથી પેકેજમાં એડજસ્ટ કરી આપવાનો વાયદો કર્યો હતો.

ચારે મિત્રો ધોયેલાં મૂળાની જેમ ફ્લાઈટમાં પરત અમદાવાદ આવ્યાં હતાં. ફરિયાદીએ જીગરના ઘેર જઈ તપાસ કરતાં તેની પત્ની અને પિતાએ હાથ અધ્ધર કરી દઈ જણાવ્યું હતું કે તેમને જીગર સાથે કશી લેવા દેવા નથી. તે કોઈને કહ્યાં વગર ઘર છોડીને જતો રહ્યો છે. ફરિયાદીએ જણાવ્યું કે ભુજથી દિલ્હી સુધી આવવા-જવાની ટિકિટ અને હોટેલ સ્ટે પાછળ તેમના બીજા ૯૬ હજાર રૂપિયા ખર્ચાઈ ગયાં હતાં. ઘટના અંગે ભુજ એ ડિવિઝન પોલીસે જીગર સામે ચારસોવીસીનો ગુનો દાખલ કરી તપાસ હાથ ધરી છે.