મરણ જનાર શંકર થાવરભાઈ રબારી (રહે. કરમટા, અબડાસા) અને તેના તેના ત્રણ મિત્રો શંકર બીજલભાઈ રબારી, રામાભાઈ વંકાભાઈ રબારી, મંગલ ગાભાભાઈ રબારી (રહે. ત્રણે હરુડી, લખપત) હરૂડી ગામથી મોમાઈ માતાના દર્શન અર્થે મોરાગઢ (મોમાઈમોરા, રાપર) પગપાળા જતા હતા. દુર્ઘટનામાં અન્ય ત્રણેને હળવી મધ્યમ ઈજાઓ પહોંચી હતી. બનાવ અંગે પધ્ધર પોલીસે GJ-12 FF-0512 નંબરની સ્કોર્પિયો કારના ચાલક સામે ગુનો નોંધી તપાસ હાથ ધરી છે.  

રાપરથી મૌવાણા ગામ તરફ જતા ફતેહગઢથી શિવગઢ વચ્ચેના માર્ગ પર અજાણી કારની ઠોકરે મૌવાણા ગામના ૨૭ વર્ષિય જેઠાભાઈ મોતીભાઈ કોલી નામના યુવકનું સ્થળ પર કરુણ મોત નીપજ્યું છે. દુર્ઘટના ગઈકાલે સાંજે સાડા આઠના અરસામાં સર્જાઈ હતી. મરણ જનાર જેઠાભાઈ અને તે જેનું ખેતર ભાગવે વાવતો હતો તે ખેતર માલિક કિશોરસિંહ વાઘેલા બેઉ રાપરથી મોટર સાયકલ પર મૌવાણા જવા નીકળેલાં.

અકસ્માત સર્જનારો ચાલક કાર લઈને નાસી છૂટ્યો હતો. પોલીસે હિટ એન્ડ રનની કલમો તળે ગુનો નોંધી તપાસ હાથ ધરી છે.

અંજારના ખેડોઈ પુલ નજીક સર્વિસ રોડ પર મોટર સાયકલ પર જઈ રહેલા યુવકને પાછળથી અજાણ્યો વાહનચાલક ટક્કર મારી, મૃત્યુ નીપજાવી વાહન સમેત નાસી છૂટ્યો છે. ગઈકાલે બપોરે ત્રણેક વાગ્યાના અરસામાં દુર્ઘટના સર્જાઈ હતી જેમાં મૃતકનું મોઢું માથું છુંદાઈ ગયા હતા. મરણ જનાર કપ્તાનસિંહ મહાવીરસિંહ જાટ મૂળ યુપીના મથુરાનો વતની હતો અને વર્ષોથી આદિપુરમાં સ્થાયી થયેલો. બાઈક પર માન કંપનીમાં નોકરી જતો હતો ત્યારે કાળ આંબી ગયો હતો. મૃતકના ભાણિયાએ આપેલી ફરિયાદના આધારે અંજાર પોલીસે હિટ એન્ડ રનની કલમો તળે અજ્ઞાત વાહનચાલક વિરુધ્ધ ગુનો નોંધ્યો છે.