એક સપ્તાહ અગાઉ ૨૪ જૂલાઈની સવારે તરુણીએ આત્મહત્યાના કરવાના હેતુથી ઘરમાં રહેલું ફિનાઈલ પી લીધું હતું. તરુણીને તત્કાળ હોસ્પિટલમાં સારવાર માટે ખસેડવામાં આવી હતી. દીકરીએ ફિનાઈલ પીધું હોવાનું જાણીને કામસર મુંબઈ ગયેલો પિતા તત્કાળ ફ્લાઈટ પકડી ભુજ દોડી આવ્યો હતો.

ઈન્સ્ટાગ્રામ પર રીલ્સ જોતાં જોતાં તરુણી આરોપીના સંપર્કમાં આવેલી. આરોપીએ તેને પ્રેમજાળમાં ફસાવેલી. આરોપીએ બેઉની એક અલગ આઈડી બનાવેલી અને તેમાં એકમેક જોડે વીડિયો કૉલ અને ચેટ કરતાં હતા.

તરુણી પાસેથી આરોપીએ ટુકડે ટુકડે રૂપિયા પડાવવાનું શરૂ કરેલું. ઘણીવાર તે મોટર સાયલક લઈ ભુજ આવતો ત્યારે સાથે તેનો મિત્ર આદિલ કલર પણ જોવા મળતો હતો.

૨૩મી જૂલાઈના રોજ પોતાને અજમેર જવું છે તેમ કહીને આરોપીએ તેની પાસે સાત હજાર રૂપિયા માગ્યાં હતા. થોડીવાર પછી તે ઘરની સામે આવેલી કેબિન પર રૂપિયા લેવા આવ્યો હતો.

બીજા દિવસે તરુણીએ ફિનાઈલ પી લીધું હતું.આરોપીએ આ રીતે તરુણી પાસેથી ચાર લાખ રૂપિયા પડાવી લીધા હોવાનું લખાવાયું છે.