ગઈકાલે ગુરુવારે સવારે દસ વાગ્યે અનિલ પોતાની બ્લ્યૂ રંગની બલેનો કારમાં બેસાડીને કિશોરીને હોટેલમાં લઈ ગયો હતો અને તેની મરજી વિરુધ્ધ પરાણે દુષ્કર્મ આચર્યું હતું. દુષ્કર્મ આચર્યાં બાદ આરોપીએ ભોગ બનનાર કિશોરીને આ અંગે કોઈને વાત કરી તો જાનથી મારી નાખીશ તેવી ધમકી આપી હતી.

ઘટના અંગે ભુજ એ ડિવિઝનના પીઆઈ એમ.આર. નકુમે હોટેલ પર ધસી જઈને પંચનામું કરવાની તેમજ પીડિત બાળાના મેડિકલ પરીક્ષણ સહિતની કામગીરી હાથ ધરી છે. સગીર બાળકીઓ સામે થતાં શારીરિક અપરાધો સામે POCSO જેવો ખાસ કાયદો અમલમાં છે, અનેક લોકોને કડક સજા થાય છે તેમ છતાં બાળાઓ પરના દુષ્કર્મના બનાવો બંધ થયાં નથી તે પણ વરવી વાસ્તવિક્તા છે.