સરકારે આ ગામોને બદલામાં ગૌચરની વૈકલ્પિક જમીન ફાળવવા જણાવ્યું હતું. જો કે, નવીનાળ ગામને ગામથી દૂર અલગ અલગ ટૂકડામાં ગૌચરની વૈકલ્પિક જમીન ફાળવતાં ૨૦૧૧માં નવીનાળ ગ્રામ પંચાયતે ગુજરાત હાઈકૉર્ટમાં અરજી દાખલ કરેલી. સુનાવણી દરમિયાન હાઈકૉર્ટે ગામને ગામમાં જ ગૌચર જમીન ઉપલબ્ધ કરાવવા સૂચના આપતાં ગુજરાત સરકારે નવીનાળની ૧૦૮ હેક્ટર ગૌચર સહિતની ૧૨૯ હેક્ટર જમીન પરત લેવા ઠરાવ કર્યો હતો. ગત શુક્રવારે હાઈકૉર્ટમાં સુનાવણી દરમિયાન આ ઠરાવ અંગે ગુજરાત સરકારને જાણ કરી હતી. સરકારના આ નિર્ણયનો અદાણી જૂથે વિરોધ કરી સુપ્રીમમાં અરજી કરતાં આજે સ્ટે મળ્યો છે.