કુકમા ગામે ભાડાના મકાનમાં રહે છે. અગાઉ તે આદિપુરમાં મૈત્રી રોડ પર આવેલી ખાવડા સ્વીટ નામની દુકાનમાં નોકરી કરતો હતો. આ દુકાનમાં મેનેજર તરીકે ગંગારામ ચૌધરી (રહે. મૂળ રાજસ્થાન) તરીકે કામ કરે છે. ગંગારામની દીકરી કવિતાના જયેશ ચૌધરી (રહે. મૂળ વાવ, થરાદ) સાથે લગ્ન થયેલાં છે. જયેશ માધાપર નવા વાસમાં ક્રિષ્નાનગરમાં રહે છે અને આશાપુરા સ્ટીલ નામની દુકાન ધરાવે છે.

મંગળવારે સાંજે રાહુલ માધાપરની દુકાને હાજર હતો ત્યારે કવિતાનો પતિ જયેશ ચૌધરી તેના સાગરીત કાનજી ચૌધરી સાથે દુકાને આવેલો. કાનજી અગાઉ ખાવડા સ્વીટમાં નોકરી કરતો હોઈ રાહુલ તેને ઓળખતો હતો. બેઉ જણે ‘તારા ફોનનું કામ છે’ કહી તેની પાસે રહેલો મોબાઈલ ફોન માંગેલો. રાહુલે બેઉને તેનો ફોન આપી દીધેલો.

અડધો કલાક બાદ રાહુલ શેઠની એક્ટિવા લઈને મોબાઈલ ફોન પરત લેવા માટે જયેશની દુકાને ગયેલો. જયેશે ફોન રૂમ પર પડ્યો હોવાનું જણાવીને તેને પોતાની સાથે રૂમ પર આવી ફોન લઈ જવા જણાવતાં રાહુલ તેની પાછળ એક્ટિવા લઈને તેના ઘરે આવેલો. જયેશ કપટપૂર્વક રાહુલને પોતાના ઘરે લઈ આવેલો અને પહેલાંથી ત્યાં હાજર કાનજી અને વાલજી ચૌધરી નામના સાગરીતોની મદદથી તેને લાફા મારીને રૂમમાં બંધ કરી દીધેલો. ત્રિપુટીએ આખી રાત રાહુલને રૂમમાં ગોંધી રાખેલો અને પોતે બહાર બેસી રહેલાં.

બીજા દિવસે સવારે ૧૧ વાગ્યે ‘કવિતા તારા કોન્ટેક્ટમાં છે, અમે કહીએ એમ તારે કરવું પડશે’ તેવી ધમકી આપીને ત્રિપુટી રાહુલને સ્વિફ્ટ કારમાં બેસાડી આદિપુરમાં કવિતાના ઘર નજીક લઈ ગયેલી. ત્રિપુટીએ રાહુલના ઈન્સ્ટાગ્રામ પરથી કવિતાને ઘર બહાર આવવા મેસેજ કરેલા પરંતુ કવિતા બહાર આવી નહોતી. જેથી ત્રિપુટી રાહુલને લઈ અંજાર આવેલી. ફરી રાત્રે આઠ વાગ્યે તેને લઈ આદિપુર પહોંચેલી. છેવટે કંટાળીને રાહુલને કવિતાના ઘર પાસે ઉતારીને નીકળી ગયેલી.

રાહુલ કવિતાના ઘરે ગયેલો અને તેના પિતા ગંગારામને તેના જમાઈ જયેશ અને સાગરીતોએ આચરેલાં કાંડ અંગે વાત કરેલી. ગંગારામે રાહુલના પિતાને જાણ કરતા તેના પિતા આદિપુર આવી રાહુલને સીધા માધાપર પોલીસ મથકે લઈ આવ્યા હતા. માધાપર પોલીસે માર મારીને ગેરકાયદે ગોંધી રાખવા, કારમાં અપહરણ કરવા સબબની કલમો તળે ગુનો નોંધી તપાસ હાથ ધરી છે.