ભારે હો હા અને હોબાળા વચ્ચે પોલીસ સ્ટેશનના સ્ટાફે બંને જૂથના ટોળાંને પોલીસ સ્ટેશનથી રવાના કરી દીધાં હતાં. સૂત્રોના દાવા મુજબ માધાપર જૂનાવાસના સરપંચ નારણભાઈ મહેશ્વરીના કેટલાંક પરિચિત લોકો અને સમાજના જ અન્ય લોકો વચ્ચે માથાકૂટ થઈ હતી. પોલીસ સ્ટેશનના પ્રાંગણમાં થયેલી મહિલાઓ અને યુવાનોની ઝપાઝપી તથા હોબાળાના દ્રશ્યોની વીડિયો ક્લિપ સોશિયલ મીડિયામાં ભારે વાયરલ થઈ છે. પોલીસ ઈન્સ્પેક્ટર પી.બી. ગઢવીએ જણાવ્યું કે હજુ સુધી બેઉમાંથી કોઈ પક્ષે ફરિયાદ નોંધાવી નથી, ટોળાંને વીખેરી દેવાયું છે.