જે સબબ જૂન ૨૦૨૨માં મહેશ ચૌધરી સહિત કુલ ચાર આરોપીઓની પોલીસે અટક કરી હતી. આ મુદ્દે ગામના ભચુભાઈ રાવરીયાએ ૨૦૨૨માં જિલ્લા વિકાસ અધિકારી સમક્ષ ગુજરાત પંચાયત અધિનિયમની કલમ ૫૯ (૧) તળે સરપંચપદેથી ફરજમોકૂફ કરવા રજૂઆત કરેલી.

ડીડીઓના હુકમ સામે ચૌધરીએ વિકાસ કમિશનર સમક્ષ રીવિઝન અરજી દાખલ કરીને રજૂઆત કરેલી કે ડીડીઓએ તેમનો પક્ષ સાંભળ્યા વગર પોતાને સસ્પેન્ડ કર્યો છે. જેથી વિકાસ કમિશનરે ચૌધરીની અરજીને અંશતઃ ગ્રાહ્ય રાખી સસ્પેન્સનના હુકમ પર સ્ટે ફરમાવીને, સમગ્ર કેસ નવેસરથી ચલાવી ચૌધરીનો પક્ષ સાંભળ્યા બાદ અંતિમ નિર્ણય કરવા હુકમ કર્યો હતો.

આ મુદ્દાને ધ્યાને રાખીને ડીડીઓ ઉત્સવ ગૌતમે ચૌધરીને વધુ એકવાર સસ્પેન્ડ કરવાનો હુકમ કર્યો છે. ચૌધરીને સરપંચના હોદ્દા પર ચાલુ રાખવામાં આવે તો ગ્રામજનો અને સમાજમાં વિપરીત અસર પડે તેમ હોવાથી તથા લોકતાંત્રિક મૂલ્યો જળવાઈ રહે તે હેતુથી ચૌધરીને સસ્પેન્ડ કરવા આદેશ કરાયો છે. ઉલ્લેખનીય છે કે ચૌધરીના પત્ની વિમળાબેન તાજેતરમાં યોજાયેલી રાપર તાલુકા પંચાયતની ચૂંટણીમાં સેલારી બેઠક પર ભાજપના ઉમેદવાર તરીકે ઊભાં રહેલા અને તેમનો વિજય થયો હતો.