બાકીના આરોપીઓ ફરાર થઈ ગયેલાં અને અમુક સ્થળ પર હાજર મળ્યાં નહોતાં. આ ગુનામાં ભુજના કેરા ગામના સૂત્રધાર અનોપસિંહ રાઠોડ, તેના પાર્ટનર નવજ્યોત ઊર્ફે નવઘણ રાજગોર, દેવેન્દ્ર ઊર્ફે દેવો ખોડીદાસ કાપડી, શિવરાજ ગઢવી, જયેશગર ઊર્ફે જેકી બાવાજી, ગોપાલસિંહ બનેસિંહ વાઘેલા સહિત ૧૬ જણ સામે નામજોગ અને અન્ય અજાણ્યા સાગરીતો મળી ૨૩ લોકો સામે પધ્ધર પોલીસ મથકે પ્રોહિબિશનની વિવિધ ધારાઓ તળે ગુનો નોંધાવાયો હતો.

ત્યારબાદ જેલમાં રહેલાં આરોપીઓ પૈકી ગોપાલસિંહ વાઘેલા (રહે. કેરા) અને દેવેન્દ્ર ઊર્ફે દેવો ખોડીદાસ કાપડી (રહે. ગાંધીધામ)એ ભુજ સેશન્સ કૉર્ટમાં નિયમિત જામીન મેળવવા અરજી કરેલી. ગોપાલ ૦૪-૦૬-૨૦૨૬થી અને દેવો ૨૦-૦૪-૨૦૨૬થી જેલમાં કેદ છે. કૉર્ટે બંનેની જામીન અરજીઓની અલગ અલગ સુનાવણી કરી હતી.

બેઉ આરોપીઓએ ગુનામાં ભજવેલી ભૂમિકાને ધ્યાને લઈને કૉર્ટે એકને જામીન પર છોડ્યો છે જ્યારે બીજાને સમાજના હિતમાં જેલમાં જ રાખવો મુનાસિબ માન્યો છે.

હાઈકૉર્ટે જામીન પર છોડેલા જયેશગરની ગુનામાં ભૂમિકા ડ્રાઈવર તરીકેની હતી.

જજ ખંધડીયાએ જણાવ્યું કે હરિયાણાની મેવાત ગેંગ પાસેથી જે લોકોએ કરોડોનો દારૂ મગાવેલો તે પૈકીનો દેવો એક મહત્વનો આરોપી છે. તેની સામે ઓર્ગેનાઈઝ્ડ ક્રાઈમના પણ ગુના છે. ગુનામાં જયેશગરની ભૂમિકાની તુલનાએ દેવાની ભૂમિકા જુદી છે. દારૂ મગાવવામાં તેની સક્રિય સંડોવણી રહેલી છે. તેને જામીન પર છોડાય તો સમાજમાં અનિચ્છનીય સંદેશ જશે અને તેને જામીન પર છોડવો સમાજના હિતમાં નહીં હોય. આમ, દેવાને જેલમાં જ રાખવો કૉર્ટે મુનાસિબ સમજ્યું છે.