ભુજની ભાગોળે મિરજાપર રોડ પર આવેલી સંઘવી મલ્ટિસ્પેશિયાલિટી હોસ્પિટલમાં ગત રાત્રે કોઈક કારણોસર ૧૧.૩૦ વાગ્યે ત્રણ જણ રોષે ભરાઈને હોસ્પિટલના સિક્યોરીટી સ્ટાફ સાથે બોલાચાલી કરી ઝપાઝપી કરવા માંડેલાં.

જેના પગલે ૧૧૨ જનરક્ષકની ટીમ હોસ્પિટલે દોડી ગયેલી. પોલીસ હેડ કોન્સ્ટેબલ દિનેશ ભરવાડે દરમિયાનગીરી કરીને ભુલાખાન નામના યુવકને ગાડીમાં બેસી પોતાની સાથે આવવા જણાવતાં મામલો બીચક્યો હતો. ભુલાખાન સાથે તેના પિતા અબ્દુલ હાલેપોત્રા અને સિરાઝખાન સુમાર ફકીર મળી ત્રણે જણ પોલીસ કોન્સ્ટેબલ જોડે ગાળો ભાંડીને બોલાચાલી કરવા માંડેલાં.

બબાલના પગલે કોન્સ્ટેબલે ૧૧૨ની અન્ય ટીમને સ્થળ પર બોલાવી લીધી હતી.ત્રણે સામે મોડી રાત્રે ભુજ એ ડિવિઝન પોલીસ મથકે ફરિયાદ નોંધાવાઈ હતી. જો કે, શા કારણથી આ લોકોનો હોસ્પિટલ સ્ટાફ જોડે બખેડો થયેલો તે અંગે હોસ્પિટલ તરફથી કશી સત્તાવાર વિગતો અપાઈ નથી.