અકસ્માતમાં પશ્ચિમ કચ્છ પોલીસ દળમાં આસિસ્ટન્ટ સબ ઈન્સ્પેક્ટર તરીકે ફરજ બજાવતા ભુરાભાઈ વિછીયાભાઈ વલવાઈનું ગંભીર ઈજાથી મૃત્યુ નીપજ્યું હતું. ભુજના પાંચમા અધિક જ્યુ. મેજિસ્ટ્રેટ હાર્દિક બારડે ફરિયાદ પક્ષે રજૂ કરેલાં ૧૬ સાક્ષી અને ૭ દસ્તાવેજી આધાર પૂરાવા, બંને પક્ષના ધારાશાસ્ત્રીઓની દલીલો બાદ કલ્પેશ ઝાલાને દોષી ઠેરવી સજા ફટકારી છે.

કૉર્ટે કલ્પેશ ઝાલાને દોષી ઠેરવ્યાં બાદ બચાવ પક્ષના વકીલે તેને પ્રોબેશનનો લાભ આપવા રજૂઆત કરી હતી પરંતુ ગુનાનો પ્રકાર, ગંભીરતા અને તેનું સ્વરૂપ તથા આરોપી પોલીસ કર્મચારી હોઈ કાયદાથી સારી રીતે માહિતગાર હોય તેમ જણાવી તેને પ્રોબેશનનો લાભ આપવો ઉચિત નથી જણાતો કહી સજા ફટકારી હતી. આ કેસમાં ફરિયાદ પક્ષે એડવોકેટ કે.પી. ગઢવી, પી.ડી. ખુંગલા અને બી.જે. ભાનુશાલીએ દલીલો કરી હતી.