મુંબઈના ચર્ચગેટસ્થિત પશ્ચિમ રેલવેના મુખ્ય મથકના સૂત્રોમાંથી પ્રાપ્ત માહિતી મુજબ મુંબઈ રેલવે ડિવિઝનના વરિષ્ઠ અધિકારી રાજન શ્રીવાસ્તવ અને તેમની ટીમ બુધવારે પેસેન્જર ટ્રેનની દોડાવીને ટ્રાયલ રન લેશે.

જો ટ્રાયલ રન સફળ રહે તો આગામી સપ્તાહે ભુજ આવી રહેલા પીએમ મોદીના હસ્તે નવી ટ્રેન સેવાનો પ્રારંભ કરાય તેવો તખ્તો ગોઠવાઈ રહ્યો છે. ઉલ્લેખનીય છે કે, આવતીકાલે સવારે સામખિયાળી સહિત દેશમાં નવનિર્મિત ૧૦૩ રેલવે સ્ટેશનનું પીએમ મોદીના હસ્તે વીડિયો કોન્ફરન્સિંગથી લોકાર્પણ થવાનું છે. ભુજ નલિયા વચ્ચેની પેસેન્જર ટ્રેન સેવા આમજનતાની સુવિધામાં વધારા સાથે ઔદ્યોગિક અને વ્યૂહાત્મક રીતે ખૂબ પ્રોત્સાહક બની રહેશે તેમાં કોઈ બેમત નથી.