આજે બપોરે બાર વાગ્યાના અરસામાં સંવેદનશીલ સરહદી ધરમશાળા વિસ્તારમાં શંકાસ્પદ યુવક ફરતો હોવાની માહિતી મળતાં રાજ્ય સરકારની ગુપ્તચર એજન્સીના કર્મચારીઓએ દોડી જઈને તેને ઝડપી લીધો હતો. યુવકનું નામ લવકુમાર S/o સરુપ દેવા ભીલ છે અને તે રણ સરહદથી થોડેક દૂર આવેલા પાકિસ્તાનના ડિપ્લો તાલુકાના ગામનો રહેવાસી છે.

લવકુમાર સગીર વયનો છે કે પુખ્ત વયનો તે અંગે પોલીસે મેડિકલ પરીક્ષણ કરાવવા નક્કી કર્યું છે. હાલ વિવિધ ગુપ્તચર એજન્સીઓ લવકુમારની પૂછપરછ કરી રહી છે.