જો ૬૦ કિલોમીટરની અંદર બે ટોલ પ્લાઝા હશે તો આગામી ત્રણ મહિનામાં તે ટોલ પ્લાઝા બંધ કરી દેવાશે તેવી ખાતરી આપું છું. ગડકરીની આ ખાતરી પણ પોકળ ‘જુમલો’ સાબિત થઈ રહી છે.

આ ગંભીર નિયમભંગ મુદ્દે તપાસ કરી તત્કાળ અસરથી દખલ કરવા ગડકરીને કોંગ્રેસના પ્રતિનિધિ મંડળે આજે અધિક કલેક્ટરના માધ્યમથી આવેદન પત્ર મોકલી આપ્યું છે. કચ્છ સરહદી જિલ્લો છે અને અહીં મુંદરા તથા કંડલા જેવા બે મહત્વના બંદરો આવેલાં છે. ટ્રાન્સપોર્ટના વ્યવસાય પર કચ્છના લાખો લોકો રોજગાર મેળવે છે ત્યારે નિયમભંગ કરીને નિર્માણ થઈ રહેલાં ટોલ પ્લાઝાના લીધે ભવિષ્યમાં લોકોને મોટી નુકસાની સહન કરવાનો વારો આવશે તેવી રજૂઆત કરાઈ છે.