તાલુકા મથક નલિયાથી ૪૨ કિલોમીટર દૂર આવેલી વાંઢમાં રહેતા જત સમુદાયના પરિવારો વચ્ચે તલવાર, કુહાડી, પાઈપ, લાકડીઓ અને છૂટાં પથ્થરોથી ધિંગાણું ખેલાયું હતું.

દરમિયાન, તલવાર વડે થયેલા હુમલામાં ઘવાયેલાં ૫૫ વર્ષિય ભેગમામદ આમદ જતનું સારવાર દરમિયાન મૃત્યુ નીપજ્યું છે. ભેગમામદના પુત્ર સુલેમાને ગઈકાલે ૧૩ લોકો પર ફરિયાદ નોંધાવી હતી. પોલીસે બનાવ અંગે પૂર્વ આયોજીત ષડયંત્ર રચી, ગેરકાયદે મંડળી બનાવી, હિંસક હથિયારો ધારણ કરીને હુમલો કરવાની કલમો સાથે બંને પક્ષની ક્રોસ કમ્પ્લેઈન્ટ દાખલ કરી હતી.