નિરોણા નજીક કાયદેસરની લીઝમાંથી લીઝ માલિકની મૌખિક સંમતિથી તે રેતી ખનન કરીને પરિવહન કરતો હતો. સાડા આઠ માસ અગાઉ આ તોડબાજ બેલડીએ નિરોણા નજીક રેતી ભરેલું ડમ્પર અટકાવેલું. ડ્રાઈવરે ફોન પર જાણ કરતા તે સ્થળ પર દોડી આવેલો. વાજીદ અને અલી ચાકીએ તેને ધમકી આપી રૂપિયા માંગેલા.

દાઉદે પોતે કાયદેસરની લીઝમાંથી રેતી ઉપાડે છે કહીને રૂપિયા આપવાનો ઈન્કાર કરી દીધેલો. બનાવના ચાર પાંચ દિવસ બાદ ખાણ ખનિજ વિભાગે દાઉદ જતનું ડમ્પર પકડેલું અને સાડા ત્રણ લાખનો દંડ ફટકાર્યો હતો.

ત્યારબાદ બેઉ જણ અમે ગમે ત્યારે આવીએ તારે અમને પચાસ હજાર રુપિયા આપવા પડશે કહીને જતા રહેલાં. બનાવ બાદ ફરિયાદીએ ડરના માર્યાં તેનું લોડર વેચી માર્યું હતું. જે-તે સમયે તે બેઉ સામે ફરિયાદ નોંધાવવામાં ડરતો હતો પરંતુ આ બેલડી સામે લોકો ફરિયાદ નોંધાવવા હિંમતભેર આગળ આવતા આજે દાઉદે ફરિયાદ નોંધાવી છે.