૩૧ માર્ચના રોજ ભુજ આવેલો સંદિપ છેડા ફરિયાદીને રૂબરૂ મળેલો અને શહેરની માતૃછાયા શાળા સામે સંતોષી માતાના મંદિર નજીક બે દુકાનો બતાવી ત્યાં સાડીની હોલસેલ દુકાન શરૂ કરવાનું આયોજન હોવાનું જણાવેલું.

દોઢ લાખ રૂપિયા આપ્યા બાદ અચાનક એક દિવસ સંદિપે માલ ખરીદવા માટે દસ હજાર રૂપિયાની જરૂર પડી હોવાનું ઉછીના નાણાં મેળવીને બીજા દિવસે પરત આપી દેવાનું વચન આપેલું. રૂપિયા મળ્યાં બાદ દુકાન શરૂ કરવા અંગે સંદિપે ગલ્લાંતલ્લાં શરૂ કરેલાં.

ઉલ્લેખનીય છે કે, છાપામાં આવેલી ટ્રૉલી મોલ્સની આવી જ એક ટચૂકડી જાહેરખબર જોઈને ભુજના એક નિવૃત્ત તબીબે સાઠ લાખ ગુમાવ્યાં છે. ટૂંકસાર ફક્ત એટલો જ છે કે હવે છાપાઓમાં છપાતાં સમાચાર પર ભરોસો કરો કે ના કરો પણ આવી ટચૂકડી જાહેરખબરો પર ભરોસો કરતાં હજાર વખત વિચાર કરી લેજો.