ભચાઉના સર્વે નંબર ૪૩માં ‘શીતલ વૉટર’ નામથી આર.ઓ. પ્લાન્ટ ધરાવતો હઠીસંગ ઊર્ફે હઠુભા રેવુભા (રહે. દરબારગઢ, ભચાઉ) નામનો શખ્સ પાણી ચોરી કરતો હોવાની પાણી પુરવઠા કચેરીને ફરિયાદ મળેલી. જેના આધારે પાણી પુરવઠાના ઇજનેરોની ટીમે સ્થળ પર જઈને તપાસ કરતાં તેઓ ચોંકી ઉઠ્યાં હતા.

ચોરીનું પાણી તે અંગત ધંધાર્થે વાપરતો હતો. હઠીસંગ સામે પાઈપ લાઈનને નુકસાન પહોંચાડી, ગેરકાયદે પાણી જોડાણ મેળવીને અંગત ધંધાર્થે પાણી ચોરી કરી જાહેર હિતની યોજનાને નુકસાન પહોંચાડવા સબબ ભચાઉના નાયબ કાર્યપાલક ઇજનેર ગૌરવ માંડલિયાએ ભચાઉ પોલીસ મથકે વિવિધ કલમો તળે ફરિયાદ નોંધાવી છે.