૬ માસ પૂર્વે જરૂર પડતાં મનોજે તેના મિત્ર સંદિપ ઠક્કર પાસે ૪૦ હજાર રૂપિયા માગેલા. સંદિપે પોતાની પાસે નાણાંની સગવડ ના હોવાનું જણાવી તેના ભત્રીજા અમન ઠક્કર સાથે મુલાકાત કરાવી વ્યાજે નાણાં આપવા ભલામણ કરી આપેલી. અમને મનોજને રોજ વ્યાજપેટે ૬૦૦ રૂપિયા આપવાની શરતે ૪૦ હજાર  રૂપિયા આપેલાં અને બાંહેધરી પેટે કોરો ચેક લઈ લીધો હતો.

મંગળવારે બપોરે સવા બાર કલાકે અમન અજાણ્યા સાગરીત સાથે મનોજના ઘરે આવેલો. મનોજને તેની એક્સેસ મોપેડ પર બેસાડીને એકોર્ડ હોસ્પિટલે ચાની કિટલીએ લઈ આવેલો. ત્યારબાદ મનોજને સ્થળ પર બેસી રહેવાની સૂચના આપી અજાણ્યા સાગરીતને મનોજનું ધ્યાન રાખવાનું કહીને નીકળી ગયો હતો. થોડીવાર બાદ અમનના સાગરીતે મનોજને ગાળો ભાંડીને અહીંથી જવાની કોશીશ કરી તો હાથ પગ તોડી નાખીશ કહીને ધમકી આપી હતી. મનોજે પોતાની હોમ લોનની પ્રોસેસ કરી રહેલાં પિન્ટુ ઠક્કરને ફોન કરીને સ્થળ પર બોલાવ્યો હતો. તે સમયે અમન પણ ત્યાં આવી ગયેલો.