મૂળ રાજસ્થાનના જોધપુર જિલ્લાના લુણી તાલુકાનો વતની ૪૮ વર્ષિય ભંવરલાલ ખીયારામ બિશ્નોઈ હોટેલ પર એમડી ડ્રગ્ઝનું છૂટકમાં વેચાણ કરતો હોવાની પોલીસને બાતમી મળી હતી. પોલીસે સરકારી પંચો સાથે દરોડો પાડીને હોટેલના કાઉન્ટરમાંથી માદક દ્રવ્યનો જથ્થો જપ્ત કર્યો હતો.

હોટેલમાંથી પોલીસે ઝીપવાળા ૨૦ નંગ ખાલી પ્લાસ્ટિક પાઉચ, ડ્રગ્ઝનું વજન કરવા માટે વપરાતો ડિજીટલ વજનકાંટો, આરોપીના કબજામાંથી મળેલા ૧૩,૩૦૦ રૂપિયા, બે મોબાઈલ ફોન વગેરે મુદ્દામાલ કબજે કરી ભંવરલાલ સામે ભચાઉ પોલીસ મથકે એનડીપીએસની ધારાઓ તળે ગુનો નોંધાવી ધરપકડ કરી છે. એસઓજી પીઆઈ ડી.ડી. ઝાલા અને પીએસઆઈ વી.પી. આહીર સહિતનો સ્ટાફ દરોડામાં જોડાયો હતો.