આ ઉપકરણોનો કોણે અનધિકૃત ઉપયોગ કર્યો છે અને તેના દ્વારા જેલમાં બેઠાં બેઠાં કોઈ ગુનાહિત પ્રવૃત્તિને આચરવામાં આવી છે કે કેમ, આ ઉપકરણો કેવી રીતે અને ક્યારે જેલમાં ઘૂસાડવામાં આવેલાં સહિતના અનેક સવાલો સર્જાયાં છે. જેલના જેલર બી.કે. જાખલે અજાણ્યા લોકો સામે બીએનએસની કલમ ૨૨૩ અને જેલ અધિનિયમ તળે ભુજ બી ડિવિઝન પોલીસ મથકે ફરિયાદ નોંધાવી છે. ઉલ્લેખનીય છે કે પાલારા જેલમાં સમયાંતરે મોબાઈલ ફોન મળી આવતાં રહ્યાં છે, તે અંગે ફરિયાદો નોંધાતી રહે છે પરંતુ પાછળથી તપાસનો નિષ્કર્ષ કદી જાહેર જ થતો નથી.