ઝરીનાના અગાઉ નિરોણા ગામે લગ્ન થયેલાં. પતિ સાથે મનમેળ ના આવતા લગ્નના ત્રણ વર્ષ બાદ તે છૂટાછેડાં લઈ પિયરમાં રહેતી હતી. એસસી એસટી સેલના નાયબ પોલીસ અધીક્ષક એમ.જે. ક્રિશ્ચીયને જણાવ્યું કે ઝરીનાની હત્યા ગામમાં જ રહેતા હરેશ કાનજીભાઈ ગાગલ (આહીર) નામના યુવકે કરી હોવાનું સ્પષ્ટ થતાં તેને રાઉન્ડ અપ કરી લેવાયો છે. 

મૃતક ઝરીના અને હરેશની લાંબા સમયથી આંખો મળી ગયેલી. દરમિયાન પરિવારે ઝરીનાના બીજા લગ્ન માટેની વાત નક્કી કરેલી. દૂધની ડેરીમાં કામ કરતા હરેશે આજે ઝરીનાને ડેરીએ મળવા બોલાવેલી.

ઘટના વિશે જાણ થતાં મુસ્લિમ કુંભાર સમાજના રફીક મારા સહિતના આગેવાનો હોસ્પિટલમાં દોડી ગયાં હતા. પોલીસે હત્યાની કલમો તળે ગુનો દાખલ કર્યો છે. રફીક મારાએ હત્યાના બનાવમાં એકથી વધુ આરોપી હોવાની શંકા દર્શાવી, પોલીસ તટસ્થ તપાસ કરે તેવી માગ કરી છે.