જયેન્દ્ર ભુજમાં હોસ્પિટલ રોડ પર આવેલી ICICI લાઈફ ઈન્સ્યોરન્સની બ્રાન્ચ ખાતે હાજર હોવાનું જાણીને ભુજના લાયન્સનગરમાં રહેતો મયૂરસિંહ દેવુભા જાડેજા અને તેનો અજાણ્યો સાગરીત ગુનાહિત કાવતરું રચીને વેગન આર કારમાં અહીં ધસી આવ્યા હતા.

વાડામાં લઈ જઈને મયૂરે લોખંડના પાઈપ અને તેના સાગરીતે લાકડીથી જયેન્દ્રસિંહને ઢોર માર માર્યો હતો. જેમાં જયેન્દ્રના જમણા હાથે ફ્રેક્ચર, માથા, ચહેરા, બેઉ પગ અને કમરમાં મુઢ ઈજાઓ પહોંચી હતી. હુમલા બાદ મયૂરે જયેન્દ્ર પાસે રહેલો મોબાઈલ ફોન પણ ઝૂંટવી લીધો હતો. ગત સાંજે સાડા પાંચના અરસામાં બનાવ બન્યો હતો.

હુમલો કરનાર મયૂર જયેન્દ્રનો મોટા બાપાનો દીકરો થતો હોવાનું પોલીસે જણાવ્યું છે. અપહરણ અને હુમલાનું કારણ નાણાંની લેતી દેતીનું મનદુઃખ હોવાની શક્યતા છે. યુવક ભાનમાં આવે ત્યારપછી જ સાચું કારણ સામે આવશે. લાયન્સનગરમાં રહેતો મયૂર અગાઉ ભુજના એક કુખ્યાત નગરસેવકની ઑફિસમાં થયેલી તોડફોડના ગુનામાં પણ પોલીસ ચોપડે ચઢી ચૂક્યો હોવાનું સૂત્રોએ ઉમેર્યું છે.