click here to go to advertiser's link
Visitors :  
26-May-2024, Sunday
Home -> Bhuj -> Man brutally murdered by unknown person in Bhuj
Tuesday, 14-May-2024 - Bhuj 21655 views
ભુજના આશાપુરાનગરમાં યુવકની ઘાતકી હત્યાઃ દુકાનના ઓટલા પર પડેલી લાશ મળી
કચ્છખબરડૉટકોમ, ભુજઃ ભુજના સરપટ નાકા બહાર આશાપુરા નગરમાં રહેતા ૨૮ વર્ષિય યુવકની રાત્રિ દરમિયાન અજાણ્યા શખ્સોએ ઘાતકી હત્યા કરી નાખી હોવાનો બનાવ બહાર આવતાં પોલીસ તંત્રએ ફરિયાદ નોંધી તપાસ હાથ ધરી છે. અહીં રહેતા હનીફ નુરમામદ સમાની લાશ વહેલી સવારે ઘર નજીક આશાપુરા મંદિર પાસે આવેલી દુકાનના ઓટલા પર પડી હતી. મૃતકના મોંઢા અને નાકમાંથી લોહી નીકળેલું હતું અને બાજુમાં ધોકાના કટકાં પડ્યા હતા.

બનાવ અંગે હનીફના મોટાભાઈ જબ્બાર સમાએ અજાણ્યા શખ્સ સામે હત્યાની કલમ તળે ભુજ એ ડિવિઝન પોલીસ મથકે ફરિયાદ નોંધાવી છે. ફરિયાદીએ પોલીસને જણાવ્યું કે સવારે પોણા સાતના અરસામાં ભાઈની લાશ અહીં પડી હોવાની જાણ થયેલી. હનીફ ગત રાત્રે સાડા નવના અરસામાં અનિલ ગોર નામના તેના મિત્ર સાથે બહાર ગયો હતો. બનાવ અંગે અનિલ ગોર પાસે વધુ કોઈ વિગત હોવાની શક્યતા છે. હનીફની કોણે અને શા માટે હત્યા કરી તે અંગે હજુ સુધી કોઈ સ્પષ્ટ વિગત સામે આવી નથી.

Share it on
   

Recent News  
રાજકોટના TRP ગેમ ઝોનમાં ભીષણ આગ ભભૂકી ઉઠતાં ૨૪ બાળકો જીવતાં ભડથું
 
કાનમેર મર્ડર વીથ ફાયરીંગના ગુનામાં નાસતો ફરતો વલીમામદ ગગડા ઝડપાયો
 
લોકો હનીટ્રેપની ફરિયાદ નોંધાવતાં હજારવાર વિચારશે! માધાપરના તે યુવક પર રેપની FIR