બનાવ અંગે હનીફના મોટાભાઈ જબ્બાર સમાએ અજાણ્યા શખ્સ સામે હત્યાની કલમ તળે ભુજ એ ડિવિઝન પોલીસ મથકે ફરિયાદ નોંધાવી છે. ફરિયાદીએ પોલીસને જણાવ્યું કે સવારે પોણા સાતના અરસામાં ભાઈની લાશ અહીં પડી હોવાની જાણ થયેલી. હનીફ ગત રાત્રે સાડા નવના અરસામાં અનિલ ગોર નામના તેના મિત્ર સાથે બહાર ગયો હતો. બનાવ અંગે અનિલ ગોર પાસે વધુ કોઈ વિગત હોવાની શક્યતા છે. હનીફની કોણે અને શા માટે હત્યા કરી તે અંગે હજુ સુધી કોઈ સ્પષ્ટ વિગત સામે આવી નથી.